Ashley Tisdale:Sekreti i trupit tim
Nga OraNews Përditësimi i fundit 24 Korrik 2013, 11:20
Ajo është 28 vjeç por përsëri vazhdon të ruajë format trupore që kishte në adoleshencën e saj të dikurshme. Bëhet fjalë për aktoren dhe këngëtaren Ashley Tisdale e cila këtë herë është fotografuar me një fund shumë të shkurtër që nxjerr në pah këmbët e saj.
Komentet pozitive si për format trupore ashtu dhe për lookun në tërësi nuk kanë munguar. Kjo ishte ajo që i shtyu gazetarët ta pyesnin për sekretin e trupit të saj, pasi pas moshës 25-vjeçare format e duhura janë të vështira për tu arritur.
Dhe përgjigja e këngëtares ishte: " Nuk mbaj dieta siç mendon një pjesë e konsiderueshme njerëzish dhe as nuk bëj palestër për ore të tëra. Unë punoj me trajnerin tim personal Harley Pasternak nga i cili kam mësuar shumë gjera të reja. Kam mësuar se si me të vërtetë të ushqehem në mënyrë të shëndetshme por ajo që është më e rëndësishmja ai nuk përpiqet të më lodhë apo të më sforcojë me ushtrime të rënda. Ne bëjmë sport dhe ushtrime në natyrë, e cila është një ndihmë e madhe për mua ".
