Tina Turner martohet zyrtarisht me Erwin Bach
Nga OraNews Përditësimi i fundit 22 Korrik 2013, 10:54
Pas 14 vitesh bashkëjetese këngëtarja 73-vjeçare Tina Turner ka vendosur të martohet me Erwin Bach në vilën e tyre në Zvicër.
Dhe pse ata u përpoqën që gjithçka të ishte private nuk ja kanë arritur plotësisht qëllimit. U zbuluan një sërë të ftuarish ku mund të rendisim Giogio Armanin i cili ishte dhe dizenjatori i fustanit të saj, si dhe prezantuesja më e famshme në SHBA Oprah Winfrey.
Femrave u ishte kërkuar të visheshin me nje fustan të bardhë ose bezhë ndërsa meshkujve me një kostum smoking . Pavarësisht se ende nuk janë publikuar foto gjatë dasmës ajo që u vu re ishte se si nusja ashtu edhe të ftuarit dolën shumë të kenaqur.
Pas martesës së parë ku Tina u bë pre e një burri të dhunshëm dhe të droguar, njohjen me Erwin i ka kushtuar një kohë të gjatë për të qenë e sigurt përpara se të hidhte një hap aq të rëndësishëm siç është dhe martesa.
Por miq të afërt me çiftin shprehen se këngëtarja ka gjetur qetësinë pranë tij dhe janë të sigurt se do të kenë një martesë të lumtur dhe afatgjatë.
