Gjykata jep vendimin për Chris Brown dhe Drake
Nga OraNews Përditësimi i fundit 23 Korrik 2013, 11:36
Ka kaluar pothuajse 1 vit që nga 14 qershori i vitit 2012 ku Chris Brown dhe Drake i dhanë fund miqësisë së tyre duke u zënë në publik.
Gjatë asaj nate të dy këngëtarët gjendjeshin në clubin W.I.P , ku në shenjë miqësie Chris i dëgoi një shampanjë, por nuk mori vlerësimin e merituar, pasi Drake i ktheu një shënim ku përdorte fjalë banale dhe konfirmonte të ashtuquajturën lidhje me Rihannën.
Mjaftoi kaq për të nxehur situatën dhe për t`i bërë të dy këngëtarët të ziheshin në publik. Ata u denoncuan nga pronari i clubit W.I.P, i cili kërkonte një dëmshpërblim prej 16 milion dollarësh për dëmet e shkaktuara, por pas shpalljes së vendimit të gjykatësit ditët e fundit , ai jo vetëm që nuk u dëmshpërblye por u gjobit me heqjen e të drejtës për të shërbyer pije alkolike.
Gjykatësi e argumentoi vendimin duke thënë se zëniet nëpër klubet e natës janë të shpeshta dhe se ai duhej të kishte një sigurim më të mirë si dhe persona të posaçëm të cilët të mos lejonin ngjarjen e ndodhur, por të ndërhynin menjëherë për ta ndërprerë.
