Beyonce mbështet të mbijetuarit e shpërthimit në Boston
Nga OraNews Përditësimi i fundit 24 Korrik 2013, 10:31
Gjatë gjithë karrierës së saj veprimtaritë bamirëse e yllit të popit Beyonce kanë qenë gjithnjë të pranishme. Këtë herë 31-vjeçarja ka zhvilluar një koncert bamirësie për të mbështetur të gjithë të mbijetuarit e shpërthimit të bombave të 15 prillit në maratonën e Bostonit.
Në këtë koncert këngëtarja nxit viktimat të kërkojnë të drejtat e tyre dhe i ngushëllon duke i përsëritur shpesh : " Jemi bashkë ".
Pas mbylljes së turit të saj të koncerteve te quajtur "Mrs Carter Show World Tour" , e cila rezultoi një sukses , krijuesja e hitit " Who Run The World" gjeti kohë për të takuar tre nga fanset e saj Mery Daniel, Adrianne Haslet and Heather Abbott të cilat po ashtu ishin disa nga të mbijetuarat.Të treja gratë kanë humbur nga një këmbë gjatë shpërthimit dhe folën për një kohë të gjatë me këngëtaren ku i shpjeguan në mënyrë të detajuar rrugët e shërimit të cilave i ishin nënshtruar, marrjen e protezave në këmbë dhe mësimin përsëri të të ecurit.Beyonce i dëgjoi, i këshilloi dhe i trajtoi si shoqe dhe në fund të takimit të katërta nuk hezituan të bënin një foto së bashku.
