NJOFTIMI/ Rënia e masivit shkëmbor në digën e Bovillës, këto zona të Tiranës do të mbeten pa ujë
Nga OraNews Përditësimi i fundit 25 Nëntor 2025, 20:43
Shkëputja e masivit të gurëve pak ditë më parë në afërsi të digës së Bovillës ka bërë që disa zona në Tiranë të mbeten pa ujë.
Sipas Ujësjellës Kanalizime Tiranë rrëshqitja e masivit shkëmbor ka shkaktuar një defekt në tubin DN 900, i cili do të sjellë kufizime në furnizimin me ujë të pijshëm në disa zona të kryeqytetit.
Sipas UKT, zonat që do të kenë kufizime janë zona e Qendrës, zona e Laprakës, zona e 21 Dhjetorit, zona e Ish-Parkut, zona e Tiranës së Re, zona e Bllokut dhe zona e Yzberishtit.
NJOFTIMI
Si pasojë e rrëshqitjes së një masivi shkëmbor në afërsi të digës së Bovillës, ëshë shkaktuar një defekt në tubin DN 900 gize, i cili do të sjellë kufizime në furnizimin me ujë të pijshëm në këto zona:
Zona e Qendrës
Zona e Laprakës
Zona e 21 Dhjetorit
Zona e Ish-Parkut
Zona e Tiranës së Re
Zona e Bllokut
Zona e Yzberisht
Grupet e punës po punojnë me intensitet të lartë për rikthimin sa më të shpejtë të furnizimit normal.
Kërkojmë mirëkuptimin e banorëve të zonave të prekura .
Për çdo informacion, mund të kontaktoni pa pagesë në numrin 0800 44 88, si edhe nëpërmjet aplikacionit Tirana Ime.
