Liam Payne blen shampanjën 1.2 milion dollar
Nga OraNews Përditësimi i fundit 19 Korrik 2013, 12:47
Liam Payne ështe një nga anëtarët e grupit të famshëm, “One Direction” , i cili përpara pak kohësh ka kryesuar top listën e grupeve muzikore më të paguara. Kjo ishte ajo që i krijoi mundësinë këngëtarit të blinte një shtëpi të vetën, çmimi i së cilës ishte 5 milion dollarë.
Por duket se milionat nuk janë problem për të, pasi këngëtari nuk ka humbur rastin të surprizojë në ditën e ditëlindjes një nga miqtë e tij duke i dhuruar shampanjën më të shtrenjtë në botë, e cila i kushtoi plot 1.2 milion dollarë.
Kjo gjë ka bërë që shumë nga fansat e tij ta pagëzonin me një emër tjetër duke e quajtur "Mik Bujar". Ky ishte një detaj nga ana e këngëtarit, i cili nxorri në pah zemërgjerësinë e tij, por dhe e ndihmoi të merrte veten nga incidenti që ndodhi pak kohë më parë në Detroit, ku Liami ishte i ftuar në një koncert së bashku me pjesëtarët e tjerë të grupit për të performuar dhe ndodhi ajo që nuk parashikohej.
Ata nuk u mirëpritën dhe ju kërkua nga të pranishmit të largoheshin nga skena. Me një status në rrjetin social Tëitter këngëtari shprehu indinjatën dhe revoltën e tij lidhur me ngjarjen e ndodhur. Por gjithësesi ai garantoi se kjo gjë nuk i kishte ulur dëshirën për të vazhduar karrierën që ka nisur. Liami tregoi edhe njëherë realizmin e tij duke thënë : " Nuk pretendoj as të më duan të gjithë, as të me urrejnë të gjithë"
