Vërtetohet varësia e Cory Monteith nga droga
Nga OraNews Përditësimi i fundit 19 Korrik 2013, 11:26
Vdekja e aktorit 31-vjeçar kanadez Cory Monteith është një lajm sa tragjik ashtu dhe misterioz, pasi po bëhen autopsi të shumta dhe e vërteta ende vazhdon të mos bëhet e ditur.
Dhe pikërisht, ky fakt ka shtyre mediat të vihen në kërkim të saj. Gjatë kërkimit të informacioneve nga ana e shtypit , duket se përgjigja e vërtetë ndodhej në një foto e cila është publikuar korrikun e vitit të kaluar në Los Angelos.
Paparazz-ët kanë fotografuar Coryn me të dashurën e tij Lea Michelle duke shëtitur, por ajo që tërhoqi vëmendjen ishte krahu I tij në të cilën ndodhej një shenjë e ngjashme me injekson droge. Pavarësisht se familjarët u pyetën , zërat janë mohuar .
Thuhet se e dashura e tij Lea, me të cilën kishte planifikuar të bashkëjetonte e nxiste gjithnjë të shkonte në një qëndër rehabilitimi për tu kuruar. Ajo ka qenë shtysa, edhe për procesin e parë të kurimit që Cory bëri në vitet e kaluara.
Duke parashikuar veprimet e Leas, aktori nuk e ka informuar për gjendjen e tij shëndetësore dhe problemet me lëndët narkotike. Në një moment dobësie që ai po përjetonte ditën e fundit të jetës , mori një masë të madhe heroine dhe alkoli, të cilat u kthyen në vdekjeprurëse për të.
