Rekordi i Salah në ndeshjet evropiane: Jam krenar, por veçanërisht i lumtur për fitoren
Nga OraNews Përditësimi i fundit 22 Janar 2025, 20:28
Shtatë fitore në shtatë ndeshje në fazën e grupeve të Champions League dhe ndërprerja e serisë pozitive të Lille, që nuk kishte humbur prej 21 ndeshjesh.
Liverpooli është i pandalshëm falë golashënuesit të tij kryesor, Mohamed Salah, i cili është i pari në histori që arrin 50 gola evropianë me "Reds".
"Jam shumë krenar. Të jesh lojtari i parë që arrin këtë shifër për Liverpoolin do të thotë shumë.
Jam shumë i lumtur, veçanërisht për këtë fitore të rëndësishme," tha ai për Amazon Prime.
"Para ndeshjes nuk isha i përqendruar tek kjo arritje. Lille ka një plan loje vërtet të mirë dhe kishte mbetur e pamposhtur për 21 ndeshje, kështu që është një skuadër mjaft e fortë.
Jam i lumtur që arritëm ta fitonim këtë ndeshje."
