PSG ndërpret kontratën me Bernat, i hapet rrugë zyrtarizimit të sulmuesit francez tek Juvja
Nga OraNews Përditësimi i fundit 22 Janar 2025, 20:03
Marrëveshja mes Kolo Muani dhe Juventusit më në fund është gati të zyrtarizohet.
PSG po lirohet nga një prej vendeve të huazimit duke ndërprerë kontratën e Juan Bernat, i cili aktualisht është i huazuar te Villarreali dhe kontrata i përfundon në qershor, duke i hapur kështu rrugën sulmuesit francez që të transferohet në Torino deri në fund të sezonit.
Kolo Muani kishte kryer tashmë vizitat mjekësore dhe kishte filluar stërvitjet nën drejtimin e Thiago Motta.
Tani ai mund të regjistrohet zyrtarisht dhe të vihet në dispozicion të trajnerit.
Pritet vetëm zyrtarizimi në orët e ardhshme. Ish-sulmuesi i Eintracht-it mund të debutojë të shtunën në kampionat kundër Napolit dhe nuk përjashtohet mundësia që të luajë nga minuta e parë.
Një vend tjetër mund të lirohet nga Cher Ndour, i cili aktualisht është i huazuar te Besiktas.
Lojtari pëlqehet në Itali dhe Fiorentina po lëviz për ta marrë me transferim përfundimtar. Në këtë rast, PSG do ta përdorte hapësirën e liruar për të huazuar Skriniar-in te Fenerbahçe.
