Homazhet për Arben Tafajn/ Berisha: Mirënjohje të thellë për një qytetar dhe qeveritar shembullor të Tiranës
Nga OraNews Përditësimi i fundit 4 Dhjetor 2024, 10:42
Janë zhvilluar Homazhe te Pallati i Kongreseve në nderim të Arben Tafaj.
I pranishëm ka qenë edhe kryetari i PD-së, Sali Berisha.
Berisha: Erdha të shpreh mirënjohjen më të thellë për Arben Tafajn, një qytetar shembullor i Tiranës, një prind, bashkëshort shembullor.
Një qeveritar vendor i ndershëm, i aftë, kompetent.
Një parlamentar i kryeqytetit, i aftë, i ndershëm dhe një përfaqësues dinjitoz i qytetarisë së Tiranës.
Një njeri që i kushtoi jetën e vet, veprimtarinë e tij, mbrojtjes së vlerave të kësaj qytetarie dhe ishte pa diskutim një nga përfaqësuesit më dinjitoz të saj.
I shpreh edhe njëherë ngushëllimet e mia familjes së nderuar Tafaj.
Shpreh ngushëllime për të gjithë qytetarët e Tiranës që kanë humbur një përfaqësues të shquar, për të gjithë miqtë, të afërmit e tij.
