Debat i ashpër në emision/ Toska: 2 deputetë të PS-së ju sponsorizojnë. Kulluri: Je kopje e shëmtuar e Flamurit
Nga OraNews Përditësimi i fundit 16 Tetor 2024, 22:09
Gazetari, Almer Toska i ftuar në emisionin ‘’Ora e Betit’’ në Ora News pati një debat të ashpër me Edvin Kullurin e ‘’Djathtas 1912’’, të cilin e akuzoi se partia e tij financohet ngë dy deputetë të PS-së.
Pjesë nga debati:
Toska: Përflitet lart e poshtë se janë dy deputetë biznesmenë të PS-së që ju sponsorizojnë juve dhe kjo është e turpshme.
Kulluri: Cilët janë?
Toska: Do ti përmend emrat? Ju keni mentor politik Henri Çilin i cili i prishi mendjen Alibeajt.
Kulluri: Nuk po kuptoj ça po thua?
Toska: Henri Çili i prishi mendjen Aliebajt, i rriti mendjen i tha që ti vlen për kryetar. Ka njerëz që janë aty që kanë qenë ish drejtues që marrin tendera. Ka njerëz që përfitojnë benefite ekonomike që nuk do i përmend emrat se janë në bizneset e tyre.
Kulluri: Të lutem na shpjego si i marrim paratë kush paguhet?
Toska: Dy biznesmenë zotëri, deputetë të PS-së ju sponsorizojnë juve.
Kulluri: Ma provo këtë, si na sponsorizojnë?
Toska: Ju sponsorizojnë zotëri me para.
Kulluri: Nëse ke ardhur për të bërë zëvendësin e Flamurit, unë merrem me origjinalin dhe jo me kopjet. Se je edhe kopje e shëmtuar, nuk i shkon.
