PD e Bashës: Berisha gënjen mbështetësit e tij për vulën, ne ngrihemi, ai akuzohet për korrupsion
Nga OraNews Përditësimi i fundit 27 Dhjetor 2023, 14:51
Përmes një reagimi të zëdhënëses së Partisë Demokratike, thuhet se Berisha ka dy vjet që i mban me gënjeshtra mbështetësit e tij për t'i përdorur si mburojë ndaj halleve me drejtësinë me SHBA apo me Britaninë e Madhe.
Aty shtohet se sot PD vazhdon ringritjen e saj dhe përgatitjen për zgjedhjet, ndërsa Sali Berisha do të duhet të përballet me akuzat për korrupsion, ndërsa është edhe në listën e zezë të SHBA dhe Britanisë së Madhe.
“Berisha ka dy vjet që i mban me gënjeshtra mbështetësit e tij për t'i përdorur si mburojë ndaj halleve me drejtësinë me SHBA apo me Britaninë e Madhe. Fitorja e sotme e pretenduar e Berishës është njësoj si ajo në Francë kundër Sekretarit të Shtetit të SHBA.
I vetmi ndryshim i sotëm është se PD vazhdon ringritjen e saj dhe përgatitjen për zgjedhjet, ndërsa Sali Berisha do të duhet të përballet me akuzat për korrupsion, ndërsa është edhe në listën e zezë të SHBA dhe Britanisë së Madhe.
Sa do të mundohen, sado të investojnë në mediat e tyre me paratë e krimit dhe korrupsionit për të shpërndarë lajme të rreme, aleanca e kullave Rama-Berisha nuk do ta mbajnë dot peng PD. PD pret që me shpejtësi dhe pa vonesë gjykata e Apelit të shqyrtojë këtë çështje për të mbyllur njëherë e mirë diskutimet rreth PD.” – thuhet në reagim.
