Minatorët në protestë para Kuvendit, kërkojnë miratimin e statusit: Rrisni vetëm rrogat e deputetëve
Nga OraNews Përditësimi i fundit 12 Tetor 2023, 15:17
Teksa në seancën parlamentare po diskutohej rezoluta për Kosovën, jashtë dyerve të Kuvendit minatorët po kërkonin të drejtat e tyre.
“Do t’i detyrojmë me zor që ta miratojnë statusin e minatorit.”
Me apelin që në parlament të miratohet ligji për minatorët, ata u shprehën se çdo ditë humbin jetën për shkak të mungesës së kushteve në punë.
“Ta miratojnë një orë e më parë statusin e minatorit.”
Ata gjithashtu akuzuan deputetët se po rrisin pagat e tyre, por asgjë për popullin.
“Rroga për vete i keni ngritur sa herë.”
Prej disa ditësh minatorët protestojnë për të drejtat e tyre, duke kërkuar kushte më të mira pune dhe trajtim më të mirë të pensioneve të tyre.
