Prezantohet drejtori i ri i policisë së Shkodrës, Edmond Sulaj
Nga OraNews Përditësimi i fundit 12 Tetor 2023, 11:21
Zv.drejtori i Përgjithshëm i Policisë Drejtues i Lartë Sokol Bizhga prezantoi sot drejtorin e ri të Drejtorisë Vendore të Policisë Shkodër, Drejtues i Parë Edmond Sulaj.
Me urdhër të Drejtorit të Përgjithshëm të Policisë së Shtetit, me qëllim dhënien e impulseve të reja, në drejtim të zbulimit dhe të dokumentimin të krimeve të rënda, Drejtues i Parë Ervin Hodaj, deri tani Drejtor i Drejtorisë Vendore të Policisë Shkodër, transferohet dhe emërohet Drejtor për Hetimin e Krimeve të Rënda, në Departamentin e Policisë Kriminale, në Drejtorinë e Përgjithshme të Policisë së Shtetit.
Drejtues i Parë Edmond Sulaj transferohet dhe emërohet Drejtor i Drejtorisë Vendore të Policisë Shkodër.
Mëngjesin e sotëm, zëvendësdrejtori i Përgjithshëm i Policisë së Shtetit Drejtues i Lartë Sokol Bizhga ka bërë prezantimin në DVP Shkodër të drejtorit të ri, Edmond Sulaj .
Bizhga vlerësoi punën shumë të mirë të bërë nga Hodaj, duke vlerësuar integritetin profesional dhe moral të tij, si dhe ka theksuar se kjo punë duhet të çohet më tej, nga drejtori i ri Sulaj, i cili gjithashtu është një drejtues karriere, që ka treguar integritet të lartë moral dhe profesional, gjatë kryerjes së detyrave të mëparshme në Policinë e Shtetit.
