Basha mesazh pas Kuvendit Kombëtar: Nisim sot ndërtimin e Partisë Demokratike moderne
Nga OraNews Përditësimi i fundit 2 Shtator 2023, 17:43
Kreu i PD, Lulzim Basha ka reaguar përmes një postimi në rrjetet sociale pas kuvendit kombëtar të PD. "Nisim sot të ndërtojmë Partinë Demokratike moderne, partinë e qytetarëve dhe jo partinë e kryetarit", shkruan ndër të tjera Basha.
Postimi i Bashës:
Pa qëndresën e anëtarëve dhe drejtuesve nga seksioni deri te kryesia e PD-së ne nuk do të ishim sot këtu për të ndërtuar të ardhmen, që t’ju shërbejmë njerëzve, që të hapen vende pune për të rinjtë tanë, që të rriten të ardhurat për familjet shqiptare, që ato të kenë arsim dhe shëndetësi më të mirë.
Për këtë nisim sot të ndërtojmë Partinë Demokratike moderne, partinë e qytetarëve dhe anëtarëve dhe jo partinë e kryetarit. Sepse kryetarët ikin e vijnë, por demokratët dhe Partia Demokratike do të jetë aty për të luftuar vetëm për të mirën e Shqipërisë dhe shqiptarëve! Mirënjohje për secilin prej tyre!
