Agjenda/ Vjosa Osmani dy ditë në Tiranë, i nis takimet me Presidentin Begaj
Nga OraNews Përditësimi i fundit 2 Shtator 2023, 09:41
Presidenti i Republikës, Bajram Begaj do të presë me ftesë të tij në Tiranë, në një vizitë shtetërore më 4 dhe 5 shtator homologen e tij kosovare, Vjosa Osmani.
Në kuadër të kësaj vizite, Presidenca ka zbardhur axhendën e këtij takimi.
"Më poshtë gjeni disa nga detajet e programit në Institucionin e Presidentit të Republikës, të kësaj vizite, e cila zhvillohet në një moment të rëndësishëm për dy shtetet tona dhe për rajonin", thekson Presidenca në njoftimin e saj.
AGJENDA 04 shtator 2023
10:00 – Ceremonia Zyrtare e Mirëseardhjes në Institucionin e Presidentit të Republikës së Shqipërisë.
Vijohet me takimin mes dy Presidentëve dhe më pas takimin e zgjeruar mes delegacioneve.
11:40-12:05 Konferencë për shtyp e dy presidentëve.
Përgjatë qëndrimit në Shqipëri, Presidentja Osmani ka parashikuar edhe takime të tjera të nivelit të lartë.
