Sula ironizon Bashën: Demokratët nuk erdhën dot në pushtet se ish-kryetari paska dashur të bëhej kryetar grupi
Nga OraNews Përditësimi i fundit 2 Shtator 2023, 15:44
Deputeti i Partisë Demokratike Dashnor Sula ka ironizuar punimet e sotme të Kuvendit Kombëtar të PD-së nga Lulizm Basha dhe miratimin e statutit të ri, ku parashikohet blindimi i pushtetit të partisë nga kryetari i saj.
Nëpërmjet rrjeteve sociale, Dashnor Sula shkruan me irnoni se demokratët nuk erdhën dot në pushtet, pasi Basha donte të bëhej edhe kryetar i Grupit Parlamentar.
“Prandaj s'paska ardhur PD ne pushtet sepse ish-kryetari paska dashur të bëhet kryetar grupi. Ndarja nga e kaluara dhe demokratizimi i partisë domethënë paska qenë përqëndrimi i pushteteve te një individ?!
Asnjëherë nuk e humb mundësinë për tu bërë qesharak sa herë që del në publik. -Ne paskemi qenë lodhur kot për ta bërë kryeministër, ai dashka vetëm Kryetar Grupi.
Si ka mundësi që i vetshpalluri lider perëndimor kërkon kufizim te mandatit te kreut të qeverisë por këtë praktik nuk e nis nga kryetari i partisë, madje e shmang nga çdo përgjegjësi për humbjen e zgjedhjeve.
Mbi një vit i shkëputur nga politika aktive duket se e paska shpenzuar për relaksim të thellë dhe kurrësesi për PD dhe demokratët”, shkruan ai.
