Vllaznia bëhet edhe më shkodrane, rikthen në shtëpi mbrojtësin
Nga OraNews Përditësimi i fundit 28 Gusht 2023, 14:53
Në një kohë që sezoni sapo ka filluar, Vllaznia vijon punën për të kompletuar skuadrën që do të ketë në dispozicion Migen Memelli. Fitorja 3-1 ndaj Kukësit është pasuar nga puna që po bën klubi në merkato pasi ka afruar mbrojtësin shkodran Ditmir Beci. Vllaznia e bën njoftimin e afrimit të Becit në rrjetet sociale ku shkruan:
“Mbrojtësi shkodran pas disa sezonesh të suksesshme në ekipe të ndryshme, së fundi tek Skënderbeu, tani do të jetë pjesë e Vllaznisë. 27 vjeçari ka firmosur për një sezon me kuqeblutë, me të drejtë shtyrje edhe për një sezon tjetër. Mirë se erdhe Dritmir Beci!”.
