Nga 400 mijë dollarë në 893 milionë. Ndryshimi radikal i “Santiago Bernabeut”
Nga OraNews Përditësimi i fundit 21 Korrik 2023, 22:16
Stadiumi mitik i Madridit, “Santiago Bernabeu” që po rinovohet plotësisht dhe do të jetë gati brenda fundit të këtij viti, ka pësuar një ndryshim radikal.
I ndërtuar në vitin 1944 për vetëm 400 mijë dollarë në atë kohë, kompleksi i është nënshtruar ndryshimeve 7 herë, i fundit i nisur rreth tre vite më parë dhe që i ka kushtuar klubit pothuajse 1 miliardë dollarë edhe pse fillimisht u planifikua rreth 500 milionë.
Ndërtimi i stadiumit në vitet ’40 zgjati për rreth 30 muaj. Inagurimi i stadiumit të rikonstruktuar do të bëhet në datën 14 dhjetor rreth 76 vite pas vendosjes së gurëve të parë në tokën që në atë kohë ishte zonë industriale.
Stadiumi i ri do të ketë vetëm 85 mijë vende, shumë larg rekordit të vitit 1954 kur u vendosën 125 mijë stola.
