EMRI/ Qëlloi me automatik jashtë qendrave të banuara, arrestohet 36-vjeçari

Nga OraNews Përditësimi i fundit 13 Qershor 2023, 10:44

Një 36-vjeçar ka rënë në prangat e Policisë së Poliçanit pasi kreu qitje me armë automatik, në një zonë jashtë qendrave të banuara.

Sipas njoftimit të uniformave blu, Elsid Molla 36 vjeç, banues në Otllak, Berat, kanë gjetur një armë zjarri automatik dhe 4 gëzhoja, të cilat u sekuestruan në cilësinë e proves materiale.

Gjatë kontrollit në automjetin që drejtonte 36-vjeçari shërbimet e Policisë kanë gjetur një armë zjarri automatik dhe 4 gëzhoja, të cilat u sekuestruan në cilësinë e proves materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

Njoftimi i plotë i Policisë:

Poliçan

Kreu qitje me armë zjarri automatik, në një zonë jashtë qendrave të banuara, kapet dhe vihet në pranga 36-vjeçari.

Sekuestrohen arma e zjarrit automatik dhe 4 gëzhoja.

Shërbimet e Komisariatit të Policisë Poliçan, menjëherë pas informacioneve të marra se një shtetas kishte kryer qitje me armë zjarri, në një zonë jashtë qendrave të banuara, kanë organizuar punën për identifikimin dhe kapjen e tij.

Si rezultat i veprimeve të shpejta hetimore dhe procedurale, të mbështetura nga inteligjenca policore, është bërë i mundur identifikimi, kapja dhe vënia në pranga e shtetasit E. M., 36 vjeç, banues në Otllak, Berat.

Shërbimet e Forcës së Posaçme “Shqiponja” të DVP Berat e kanë ndaluar 36-vjeçarin teksa drejtonte një automjet, në fshatin Mbrakull, Poliçan, menjëherë pasi kishte kryer qitjen me armë zjarri automatik, në një zonë jashtë qendrave të banuara.

Gjatë kontrollit në automjetin që drejtonte shtetasi E. M., shërbimet e Policisë kanë gjetur një armë zjarri automatik dhe 4 gëzhoja, të cilat u sekuestruan në cilësinë e proves materiale. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.