Bayern Munchen po bën të pamundurën të “heqë qafe” Sadio Mane në verë
Nga OraNews Përditësimi i fundit 17 Prill 2023, 16:53
Grushti ndaj shokut të skuadrës në fund të ndeshjes me Manchester City do t’i kushtojë shtrenjtë dhe ndoshta mund të komprometojë edhe karrierën e Sadio Mane.
Bayern Munchen nuk mjaftohet vetëm me gjobën rreth 300 mijë euro dhe pezullimin e tij të përkohshëm sepse senegalezi sipas të gjitha gjasave do të largohet në merkaton e verës, saktësisht 1 vit pas transferimit të bujshëm nga Liverpool që i kushtoi klubit gjerman 40 milionë euro për kartonin dhe 20 për pagën vjetore.
Gazetari gjerman, Florian Plettenberg zbulon se klubi është vënë në lëvizje për ta shitur sulmuesin 31-vjeçar edhe për faktin se Thomas Tuchel nuk e shikon pjesë të së njëjtës skuadër ku do të luajë edhe “viktima” e tij Leroy Sane.
