Casillas bën deklaratën e papritur: Mungesa e Juventusit në garën e titullit, pozitive për Italinë
Nga OraNews Përditësimi i fundit 14 Prill 2023, 11:31
Iker Casillas nuk preferon të përdorë diplomacinë kur pyetet nga mediat italiane në lidhje me skuadra të veçanta. Në një intervistë dhënë për rrjetin me pagesë DAZN, ish-kapiteni i Spanjës dhe Real Madrid, u ndal te dënimi i Juventusit me 15 pikë, duke habitur deri diku me qëndrimin e tij sipas të cilit, mungesa e bardhezinjve në vallen e protagonistëve i bën mirë futbollit italian.
“Serie A më pëlqente shumë kur isha i ri, sidomos kur konsiderohej kampionati më i mirë i botës sepse luanin lojtarët më të mirë. E vërteta është se Serie A ka kaluar një periudhë të vështirë ku fitonte vetëm Juventusi dhe kjo gjë ishte bërë e mërzitshme. Por fakti që gjatë viteve të fundit kanë dalë edhe skuadra të tjera prendenten si Napoli, Inter apo Milan është një gjë shumë e mirë për futbollin italian. E kam menduar të luaj në Serie A sepse kam shumë respekt për të gjitha skuadrat e mëdha por Real Madrid mbetet Real Madrid”.
Në vijim Casillas fokusohet te marrëdhënia që ka pasur me Giggi Buffon, të cilin e ka pasur bashkëshoqërues në rrugëtimin e tij për shumë vite.
“Isha 15 vjeç dhe kujtoj që në atë kohë ai debutonte kur ishte 18. Kisha zili për aftësitë e tij por karrierat tona kanë qenë shumë të ngjashme. E nisëm të dy shumë të rinj dhe në skuadra të mëdha. E vërteta është që bëhet fjalë për një njeri të madh. Përveçse është miku im, Giggi është një pikë referimi për të githë portierët”.
