Kaos te Bayern Munchen pas humbjes, Sadio Mane gjuajti me grusht Leroy Sane
Nga OraNews Përditësimi i fundit 12 Prill 2023, 19:43
Tabloidet gjermane publikojnë të parat lajmin se në dhomën e zhveshjes së Bayern Munchen, pas humbjes turpëruese me Manchester City, është thithur ajër shumë i rëndë. Sipas “Bild", Sadio Mane ka pasur një debat verbal me Sane e madje senegalezin nuk e kanë mbajtur nervat duke goditur me grusht në fytyrë shokun e repartit ofensiv.
Tabloidi shton se 31-vjeçari u tërbua në momentin që Sane i foli me një ton shumë të rëndë dhe pasi e sulmoi fizikisht, e gjakosi ndërsa shokët e skuadrës i ndanë pasi situata mund të ishte përshkallëzuar.
Drejtuesit më të lartë të Bayern Munchen janë mbledhur me urgjencë dhe ndaj sulmuesit të transferuar nga Liverpool, do të rëndojë një gjobë e majme. Nëse i referohemi standarteve të gjobave që aplikon Bayern Munchen, nuk përjashtohet mundësia që Mane të deytrohet ta paguajë shtrenjtë, aq sa shoku i tij i skuadrës, Manuel Neuer me 1 milionë euro.
Mane u transferua këtë verë nga Liverpool-i për rreth 40 milionë euro ndërsa përfiton rreth 20 milionë në sezon. Deri tani ai numëron 11 gola në 32 ndeshje të luajtura.
