Në Frankfurt e kanë me Napolin: Duhet ta përjashtoni nga Champions League
Nga OraNews Përditësimi i fundit 9 Mars 2023, 13:18
Vendimi i Romës zyrtare për të ndaluar mësymjen e tifozëve të Eintracht Frankfurt në Napoli, ka ndezur zemërimin e gjermanëve që kërkojnë madje deri përjashtimin e të kaltërve nga Europa.
Ndeshja e së mërkurës do të luhet në “Maradona” pa praninë e “shqiponjave” të Gjermanisë në shkallët e stadiumit dhe ky sipas klubit mik është një minus i madh, duke parë praninë e tyre masive në transfertat e ndeshjeve jashtë shtëpisë.
Këshilltari i bashkisë së Frankfurtit, Maximilian Klockner bën thirrje publike që UEFA ta përjashtojë Napolin edhe pse vendimi është marrë për të ruajtur rendin publik.
Tifozët e Eintracht kanë gjetur edhe mbështetjen e kolegëve të tyre nga Mynihu pasi gjatë ndeshjes me PSG, ata shpalosën një banderolë ku kërkonin që tifozët nga Frankfurti të mos ndalohen për të udhëtuar drejt qytetit italian.
