Nxjerr në rrugë të dashurën, Tiger Woods rrezikon ta paguajë shtrenjtë (30 mln $) gjestin
Nga OraNews Përditësimi i fundit 9 Mars 2023, 08:44
Golfisti Tigers Woods nuk është një kavalier me femrat dhe kjo dihet tashmë. Që pas ndarjes nga bashkëshortja, reputacioni i tij ka rënë ndjeshëm, ashtu siç është tkurrur edhe llogaria e tij bankare që u përgjysmua nga dovorci.
Në përpjekje për të ndërtuar jetën nga e para dhe për të gjetur disi qetësinë shpirtërore, prej shumë kohësh ai jetonte me bukuroshen Erica Herman, e cila pretendon se është nxjerrë me dhunë nga shtëpia ku jetonin duke e çuar çështjen në gjyq nga ku pretendon të fitojë 30 milionë dollarë.
Ngjarja mendohet se ka ndodhur në lokalitetin Hobe Sound të Floridas dhe 39-vjeçarja pretendon se është kërcënuar nga golfisti amerikan që mund të detyrohet ta dëmshpërblejë për akuzën e “dëmit emocional” që i ka shkaktuar.
Çifti është ndarë vitin e shkuar pasi nuk janë parë bashkë në publik që prej US Open 2022 në muajin gusht.
