Kualifikohet Teuta, ja kush janë çiftet dhe datat e çerekfinaleve të Kupës së Shqipërisë
Nga OraNews Përditësimi i fundit 3 Shkurt 2023, 18:14
Teuta është skuadra e fundit që siguron kalimin në çerekfinalen e Kupës së Shqipërisë në futboll.
Skuadra durrsake triumfoi 1-0 në sfidën e kthimit ndaj Erzenit dhe llogaritur barazimin 1-1 të ndeshjes së parë, arrin të vazhdojë rrugën për më tej.
Golin e vetëm të takimit e shënoi Gruda në pjesën e dytë të ndeshjes.
Në fazën tjetër, skuadra e drejtuar nga Edi Martini do të ndeshet me Kukësin.
Kalendari i plotë i sfidave dhe datave të çerekfinaleve është;
Kastrioti – Tirana
Vllaznia – Partizani
Egnatia – Laçi
Teuta – Kukësi
Takimet e para të fazës çerekfinale do të luhen më 1 mars, ndërsa ndeshjet e kthimit do të zhvillohen më 15 mars.
