Qeveria zyrtarizon hapjen e Ambasadës shqiptare në Kiev
Nga OraNews Përditësimi i fundit 18 Janar 2023, 19:26
Ajo që u tha në mënyrë deklarative sot u vulos zyrtarisht. Këshilli i Ministrave vendosi këtë të mërkurë hapjen e ambasadës shqiptare ne Kiev.
Vendimi për hapjen e ambasadës është paraprirë nga një tjetër VKM, e cila mbylli Misionin e Posaçëm të Republikës së Shqipërisë në Kiev.
Në vendim thuhet se ambasada shqiptare në Kiev do të ngrihet me buxhetin e Ministrisë për Europën për Punët e Jashtme ndërkohë që pritet të nisë punë brenda këtij viti.
Hapja e ambasadës në Kiev vjen në 30-vjetorin e vendosjes së marrëdhënieve diplomatike mes dy vendeve.
