Frikë për lëkundje të tjera, banorët në Dibër kaluan natën në oborre duke ndezur zjarre e në kasolle bagëtish
Nga Ora News Përditësimi i fundit 16 Janar 2023, 09:16
Tërmeti i shkallës 4.7 i shkallës Rihter mbrëmjen e 15 janarit 2023 me epiqendër në jugperëndim të Klosit ka shkaktuar panik tek banorët.
Lëkundjet e forta u ndjenë në disa qytete si në Tiranë, Elbasan, Dibër dhe Lezhë.
Gazetari i Ora News Spartak Doçi raportoi se lëkundjet detyruan banorët në qarkun e Dibrës të kalonin natën jashtë në oborret e tyre e duke ndezur zjarr për shkak të temperaturave të ulëta. Të tjer u futën në kasollet e bagëtive, ndërsa një pjesë u rikthye sërish në shtëpi.
"Disa kanë kaluar natën në oborr, kanë ndezur zjarr, disa kanë kaluar natën në kasollet e bagëtive. Kishin frikë se mund të kishte edhe goditje të tjera. Kishin frikë se mund të ndodhte si tërmeti në 2019.
Shtabi i emergjencave është ngritur në 4 bashkitë e Dibrës. Kryetari i bashkisë Klos ka deklaruar se vetëm 4 banesa deri tani kanë pësuar dëme, por ne kemi marrë dhjetëra telefonata se ka banesa të dëmtuara dhe kanë frikë të futen brenda," tha ai.
