Punonjësit e kompanisë do të gjobiten me 1200 dollarë nëse kontaktojnë kolegët gjatë pushimeve
Nga OraNews Përditësimi i fundit 13 Janar 2023, 17:03
Pavarësisht nëse punoni nga shtëpia, në një zyrë ose diku tjetër, marrja e e-maileve urgjente të punës, telefonatave dhe mesazheve WhatsApp gjatë pushimit mund të jetë diçka acaruese.
Kjo, për fat të keq, është e zakonshme për punëtorët edhe gjatë pushimeve të tyre vjetore dhe pushimeve ditore.
Por në disa vende, si India, punëtorët ndihen kaq të mbingarkuar nga presioni i punës, janë bërë hapa për të siguruar që kjo “bezdi dixhitale” të ketë një gjobë të madhe.
Një firmë me bazë në Mumbai ka krijuar tani një zgjidhje për të rregulluar këtë problem, duke u ngarkuar punonjësve një gjobë për shqetësimin e të tjerëve me 'telefonata ose mesazhe të lidhura me punën' jashtë orarit.
Platforma e lojërave fantastike Dream11 do t'i gjobisë punonjësit e saj me 100,00 rupi (1,200 USD) nëse ata kontaktojnë gjatë pushimit kolegët e tyre.
Kompania dëshiron të sigurojë që punonjësit e saj të gëzojnë një ekuilibër të shëndetshëm punë-jetë, sipas një deklarate që ndau me CNN.
Është e paqartë se kur u prezantua politika, por bashkëthemeluesit e kompanisë - Harsh Jain dhe Bhavit Sheth - kanë thënë se ajo ka qenë efektive deri më tani.
