Vendimi i papritur/ Gareth Bale tërhiqet nga futbolli në moshën 33-vjeçare

Nga OraNews Përditësimi i fundit 9 Janar 2023, 17:21

Gareth Bale tërhiqet nga futbolli duke varur “këpucët në gozhdë”. Kapiteni i Uellsit më 111 ndeshje me fanellën e”Dragonjve” dhe 5 herë fitues i UEFA Champions League, njofton vendimin e marrë nëpërmjet rrjeteve sociale.

Njoftimi i plotë;

“Pas një periudhe mendimi të kujdesshëm, njoftoj tërheqjen time të menjëhershme nga klubi dhe futbolli ndërkombëtar.

Ndihem jashtëzakonisht me fat që kam realizuar ëndrrën time për të luajtur sportin që dua. Me të vërtetë më ka dhënë disa nga momentet më të mira të jetës sime. Maksimumin e mundshëm në 17 sezone, kjo do të jetë e pamundur të përsëritet, pavarësisht se çfarë rezervon kapitulli tjetër për mua.

Që nga prekja e parë e topit te Southampton, deri tek e fundit me LAFC-në dhe gjithçka tjetër në mes, një karrierë për të cilën kam një krenari dhe mirënjohje të pamasë. Të luaja dhe të bëhesha kapiten 111 herë për vendin tim ka qenë me të vërtetë një ëndërr e realizuar.

Shpreh mirënjohjen time për të gjithë ata që kanë luajtur rolin e tyre në këtë rrugëtim. Ndjehem borxhli ndaj shumë njerëzve që më ndihmuan për të ndryshuar jetën time dhe për të formuar karrierën time në një mënyrë që nuk mund ta kisha ëndërruar kurrë kur fillova për herë të parë në moshën 9-vjeçare.

Për klubet e mia të mëparshme, Southampton, Tottenham, Real Madrid dhe në fund LAFC. Të gjithë menaxherët dhe trajnerët e mi të mëparshëm, stafi, shokët e skuadrës, të gjithë tifozët e përkushtuar, agjentët, miqtë dhe familja ime e mrekullueshme, ndikimi që keni pasur është i pamasë.

Ky ishte vendimi më i vështirë i karrierës time. Kam qenë me fat që jam uellsian dhe kam përfaqësuar vendin tim si kapiten. Kjo është një ndjenjë e papërshkrueshme. Jam shumë i nderuar që kam pasur një rol në historinë e këtij vendi dhe kam ndier mbështetjen e madhe të murit të kuq.

Prindërit e mi dhe motra ime, pa përkushtimin tuaj në ato ditë të hershme, pa një themel kaq të fortë, nuk do ta shkruaja këtë deklaratë tani, ndaj faleminderit që më keni vënë në këtë rrugë dhe për mbështetjen tuaj të palëkundur.

Gruaja ime dhe fëmijët e mi, dashuria dhe mbështetja juaj më ka shoqëruar. Përkrah meje për të gjitha ngritjet dhe uljet, duke më mbajtur me këmbë në tokë gjatë rrugëtimit. Ju më frymëzoni të jem më i mirë dhe t’ju bëj krenar.

Kështu, unë vazhdoj në fazën tjetër të jetës sime. Një kohë ndryshimi dhe tranzicioni, një mundësi për një aventurë të re…”

Bale largohet si kampion i MLS me Los Angeles FC në moshën 33-vjeçare.