Krishtlindje në varfëri, familja Kapaj nga Vlora kërkon një strehë të sigurtë
Nga Edi Ruçi Përditësimi i fundit 25 Dhjetor 2022, 18:42
Të tre anëtarët e familjes vuajnë nga probleme të rënda shëndetësore
Edhe kjo Krishtlindje kaloi e zymtë e pa festë në familjen Kapaj.
Të tre anëtarët vuajnë nga probleme shëndetësore.
Më e rëndë është gjendja për djalin e shtëpisë, Fatjonin.
32-vjeçari po e kalon jetën në karrige me rrota. Nuk mund të ecë që prej moshës 3-vjeçare.
“Mua më kanë nxjerrë me paralizë që të vogël. Kam ecur deri në moshën 3 vjeç, pastaj nuk ecja dot.”
Hallet ua shton edhe pamundësia ekonomike.
Jetën e përballojnë me vështirësi të mëdha vetëm me kempin e Fatjonit.
“Ata që marr nuk më dalin për ilaqe për veshje.”
Të ardhurat nuk mjaftojnë as për medikamente.
“Ilaqet mund ti shkojnë te 200 mijë lekë. I ka të nevojshme.”
Shtëpia ku banojnë aktualisht në Vlorë nuk ka as kushtet minimale andaj e vetmja kërkesë që kanë është një strehë e sigurt.
“Streha që pikon është e nevojshme se njerëzit bëhen të gjithë me reumatizëm. Nëse pikon shtëpia nuk vlen asnjë gjë.”
Kanë trokitur në çdo derë institucioni e shpresën se do i ndihmojë dikush e kanë humbur, megjithatë kanë një thirrje të fundit për çdokënd që mund të dëgjojë historinë e tyre.
“Kush kanë mundësi të vënë dorën në zemër, për djalin tim për një strehë.”
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
