Makina bie në humnerë, vdes i moshuari shpëtojnë mbesa e nipi
Nga OraNews Përditësimi i fundit 25 Dhjetor 2022, 15:38
Dy fëmijë shpëtuan për mrekulli pasi makina ku udhëtonin si pasagjerë doli nga rruga dhe përfundoi disa metra në humnerë. Fatkeqësisht gjyshi që drejtonte mjetin humbi jetën. Ai ishte viktima e dytë në rrugët e vendit nga aksidentet gjatë festës së Krishtlindjes.
Hekuran Perfundi mbeti viktimë, ndërsa mbesa dhe nipi të mitur u plagosën, pasi makina me të cilën udhëtonin përfundoi në një kanal.
Aksidenti i rëndë u shënua në rrugën e fshatit Meshan të Gramshit.
65 vjeçari humbi kontrollin e mjetit, pasi paraprakisht dyshohet se pësoi infarkt ndërsa ishte në timon.
Dy fëmijët e mitur pasi morën ndihmën e parë mjekësore raportohet se janë jashtë rrezikut për jetën.
Hekuran Perfundi ishte viktima e dytë nga aksidentet rrugore gjatë festës së Krishtlindjes.
Mbrëmjen e së shtunës 72-vjeçari Idajet Çobo gjeti vdekjen e menjëhershme pasi u përplas në Polizhan të Beratit nga një makinë, drejtuesi i të cilës u largua duke e braktisur të moshuarin në rrugë.
Ky ishte rasti i dytë brenda javës, kur drejtues mjetesh përfshihen në aksidente me vdekje dhe arratisen.
Policia e Elbasanit po dështon të zbulojë dhe kapë shoferin që përplasi për vdekje dhe braktisi në rrugë Dalip Xhakoin, i cili u arrit të identifikohet këtë të dielë tre ditë pas aksidentit.
Sipas të dhënave zyrtare nga janari deri në nëntor 1479 njerëz janë përfshirë në aksidente rrugore.
Drejtuesit e mjeteve mbetet shkaktarët kryesore, nga të cilët 48 janë larguar nga vendngjarja për ti shpëtuar përgjegjësisë.
Makina e aksidentuar
