Teoricienët e konspiracionit pretendojnë se piktura "Madonna dhe Fëmija" përmban prova të alienëve
Nga OraNews Përditësimi i fundit 22 Dhjetor 2022, 22:20
Teoricienët e konspiracionit 'me sy shqiponjë' pohojnë se një pikturë e lindjes së Krishtit e quajtur "Madonna dhe Fëmija" përmban "prova të alienëve".
Piktura, e cila mendohet se daton në shekullin e 16-të, thuhet se përshkruan historinë e Lindjes së Krishtit, duke shfaqur foshnjën Jezus, Shën Gjon Pagëzorin dhe Shenjtin Mbrojtës të Firences.
Ajo mund të gjendet në Sallën e Hercules në katin e dytë të Palazzo Vecchio në Firence, Itali.
The Sun raporton se shumë njerëz kanë nxjerrë përfundimin se vepra artistike përmban një formë UFO që noton në qiell në këndin e sipërm të djathtë të pikturës.
Objekti fluturues i paidentifikuar i ngjan një disku të pjerrët, e cila është shumë i ngjashëm me përshkrimet e dhëna nga fantashkenca tradicionale për anijet kozmike aliene.
Teoricienët e konspiracionit kanë sugjeruar se piktura përmban dëshmi të një 'shikimi të UFO-ve' të lashtë, duke e quajtur imazhin 'Madonna e UFO-ve'.
Sipas faqes së internetit të Florence Inferno, një numër historianësh arti kanë pohuar se 'UFO' është në të vërtetë një engjëll që po shikon skenën e lindjes së Krishtit.
Megjithatë, kjo nuk është hera e parë që ‘alienët’ shihen në një pikturë historike.
