Hajduti vjedh makinën në rrugë, fëmija ishte në sediljen e pasme, tmerrohet mamaja
Nga OraNews Përditësimi i fundit 22 Dhjetor 2022, 21:42
Një hajdut vodhi një makinë në rrugë me një fëmijë që ishte në sediljen e pasme.
Ngjarja ka ndodhur në West Yorkshire të Anglisë.
Mamaja e fëmijës u tmerrua kur kuptoi që mjeti i saj u rrëmbye së bashku me fëmijën.
Autori udhëtoi me fëmijën e vogël për rreth një orë para se të gjendeshin.
Policia e West Yorkshire mori një telefonatë për një automjet të vjedhur nga një adresë në South Parade, Ossett.
Telefonuesi konfirmoi se një fëmijë i vogël ishte brenda mjetit.
Mjeti u gjet pas një ore dhe fëmija fatmirësisht ndodhej shëndosh e mirë në mjet.
Autori i cili është kapur nga kamerat e sigurisë nuk është identifikuar ende por po punohet për kapjen e tij.
Detektivja Sarah Degnan e Wakefield CID tha: "Ky ishte padyshim një incident i tmerrshëm siç do të ishte për çdo prind dhe ne po bëjmë gjithçka që mundemi për të identifikuar përgjegjësit.
