I humbin fëmijët nga sytë, gruaja kthen përmbys aeroportin, e godet me kompjuter punonjësin

Nga OraNews Përditësimi i fundit 22 Dhjetor 2022, 21:49

Një nënë u tërbua në një aeroport në SHBA pasi nuk mundi të gjente fëmijët e saj, duke sulmuar një punonjëse të linjës ajrore dhe duke shkaktuar panik dhe dëme.

Ngjarja ka ndodhur të martën në Aeroportin Ndërkombëtar të Majamit.

Camilia McMillie, 25 vjeçe, filloi të bërtiste dhe të thyente gjërat kur kuptoi se fëmijët e saj nuk ishin me të, ndërsa ajo kontrollonte për fluturimin e saj të kthimit me American Airlines.

Nëna 25-vjeçare i ka kërkuar punonjësit që të gjejë fëmijët e saj, ndërsa e ka goditur me një ekran kompjuteri.

“Atë e zuri paniku”, tha një dëshmitar.

"Kjo ndodhi".

Siç doli, fëmijët e McMillie ishin në tualetet e aeroportit.

Sipas urdhrit të arrestit të marrë nga Neë York Post, shpërthimi i McMillie shkaktoi 10,000 dollarë dëme.

Nëna 25-vjeçare u ndalua për pak kohë nga agjentët e Doganës dhe Mbrojtjes së Kufirit të SHBA-së përpara se të merrej në paraburgim nga policia lokale.