Lajçak: Vuçiç e kupton seriozitetin e situatës në veri të Kosovës

Nga OraNews Përditësimi i fundit 14 Dhjetor 2022, 16:37

I dërguari i Bashkimit Evropian për dialogun mes Kosovës dhe Serbisë, Mirosllav Lajçak, ka thënë se ka zhvilluar njëtakim me presidentin e Serbisë, Aleksandar Vuçiç.

Lajmin e bëri të ditur Lajçak përmes një postimi në rrjetin e tij social Twitter.

Qëllimi i takimit ishte të bisedohej rreth Kosovës,  "për të gjetur zgjidhje politike që do të ulte tensionet dhe do të mundësonte heqjen e barrikadave në veri të Kosovës".

Sakaq në shkrimin e tij Lajçak thotë se Vuçiç e kupton seriozitetin e situatës.

“Vazhdova misionin tim në Beograd sot për t'u takuar presidentin e Serbisë Vuçiç. Ne patëm një diskutim të hapur dhe të ndershëm për një zgjidhje politike që do të ulte tensionet dhe do të mundësonte çmontimin e barrikadave. Ai e kupton seriozitetin e situatës.”