Viktimë e motit të keq, pamjet e fundit të 59-vjeçarit në Elbasan para se të mbytej në përrua
Nga OraNews Përditësimi i fundit 12 Dhjetor 2022, 17:17
Një 59-vjeçar në Elbasan mbeti viktimë e motit të keq që përfshiu vendin.
Ngjarja ka ndodhur këtë të hënë, 12 dhjetor.
Në fshatin Pashtresh, Gjinar, në një përrua, është gjetur nga banorët e zonës, i pajetë, shtetasi L. B., 59 vjeç, banues në fshatin Gjinar, Elbasan.
Nga veprimet e para hetimore dyshohet se ky shtetas ka rënë aksidentalisht në përrua dhe për pasojë është mbytur.
Ndërkohë në media kanë qarkulluar pamjet e viktimës para se ai të mbytej.
Prurjet në përroin e këtij fshati u shtuan ndjeshëm në orët e fundit për shkak të reshjeve me intensitet.
Grupi hetimor në vendngjarje dhe po punon për zbardhjen e rrethanave të ngjarjes.
