Fitoi vendin e dytë në “Këngën Magjike”, Mikela Paluca: Mami për herë të parë më tha nga doli ky zë
Nga Ora News Përditësimi i fundit 3 Dhjetor 2022, 21:14
Mikela Paluca, këngëtarja e re që mori ҫmimin e dytë tek “Kënga Magjike” e ftuar në emisionin “Why Not” në RTV Ora ka folur mbi jetën e saj private dhe se si nisi të këndonte.
Ajo tregon se e para që e dëgjoi duke kënduar ishte mamaja e saj, e cila e dëgjoi një ditë në dhomën e saj të gjumit.
Mikela Paluca: Isha duke kënduar një ditë në dhomën tme dhe më dëgjoi mami dhe më tha: Po ky zë ku ishte, kujt i ngjau se asnjë në familjen time nuk këndon.
Mikela tregoi se leksionet e para për muzikë i ka marrë në Itali ndërsa kur erdhi në Shqipëri ka marrë leksione nga Juliana Pasha.
Mikela Paluca: Kam marr leksione nga Juliana Pasha. Tani punoj tek klubi i Julianës, "Lala Land", këndoj aty me të. Kur më sheh më thotë gjithmonë se sheh një Julianë të vogël.
Pas kësaj këngëtarja shqiptare Juliana Pasha pati një videomesazh surprizë për Mikelën e cila u emocionua.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
