Tokaev rizgjidhet president i Kazakistanit
Nga Amado Çela Përditësimi i fundit 21 Nëntor 2022, 11:01
Edhe pse Kazakistani pa protestat më të këqija ndonjëherë në të cilat mbetën të vrarë mbi 230 persona, presidenti Tokaev është rizgjedhur në krye të shtetit. 69-vjeçari mori shumicë absolute votash.
Kasëm Zhomart Tokaevështë rizgjedhur president i Kazakistanit, shtetit më të madh të Azisë Qendrore.
69-vjeçari, i cili erdhi në pushtet në vitin 2019, mori 81.31 për qind të votave.
Rezultati ishte i pritshëm, pasi pesë kundërshtarët e Tokaevit ishin pak të njohur për publikun.
Asnjëri prej tyre nuk shënoi mbështetje dyshifrore në votim, ndërsa 5.8 për qind e votuesve votuan kundër të gjithë kandidatëve.
Komisioni zgjedhor tha se në zgjedhjet e së dielës kanë marrë pjesë rreth 70 për qind e qytetarëve, prej 12 milionë votuesve me të drejtë vote.
Kazakistani u zhyt në kaos gjatë protestave në janar të këtij viti, prej të cilave mbetën të vdekur 238 persona.
Tokaev, i cili drejtonte vendin në atë kohë i shtypi me dhunë kryengritjet.
Ai e përshkroi dhunën e janarit si një tentativë për grusht shteti.
Protestat e nxitura nga rritja e çmimeve të naftës, u shndërruan në trazirat më të këqija që shteti ka parë në 30 vite pasuri.
