VIDEO/ Bora “varros” perëndimin e Nju Jorkut, shkon deri në 2 metra
Nga OraNews Përditësimi i fundit 19 Nëntor 2022, 21:21
Stuhi dëbore po bien për të dytën ditë në shtetin perëndimor të Nju Jorkut , në zonën më të madhe të Buffalo , duke shkaktuar kaos trafiku dhe dëmtime në infrastrukturë.
Rajoni regjistroi një reshje të paprecedentë bore për muajin nëntor , e cila madje vjen relativisht herët në dimër. Në dy vende matjet treguan, brenda 48 orëve, përkatësisht 195 dhe 182 centimetra , pa përfunduar fenomeni.
Dukshmëria në pjesë të mëdha të rrjetit rrugor është pothuajse zero, duke e bërë pothuajse të pamundur udhëtimin. Ndërkohë në Aeroportin Ndërkombëtar të Buffalo janë anuluar dhjetëra fluturime.
Paralajmërimet e motit janë në fuqi për 6 milionë njerëz që jetojnë në brigjet e Liqeneve të Mëdha në Erie dhe Ontario, në zonën më të madhe të Buffalo. Mesazhi është i qartë: Mos dilni nga shtëpia për asnjë arsye, raporton CNN.
Ndërkohë dy shtetas kanë ndërruar jetë si pasojë e problemeve në zemër teksa pastronin banesat e tyre. Autoritetet po paralajmërojnë qytetarët se puna e pastrimit është shumë e rëndë dhe sfilitëse.
This is looking out at Lake Erie from the waterfront in Downtown Buffalo.
— Kristen Mirand (@kristen_mirand) November 18, 2022
This is lake effect snow for ya. @WKBW #SeeIton7 pic.twitter.com/pzWvGZhEHt
Amazing #LakeEffectSnow #drone footage of the snow bands coming off #LakeErie See the full vide at https://t.co/FLSjr5zJvC pic.twitter.com/POnQnJHw5m
— StormChasingVideo (@StormChasingVid) November 18, 2022
