Kompensimi i humbjeve, kusht për bisedimet me Rusinë por jo me Putin, thotë Zelenskyy
Nga OraNews Përditësimi i fundit 8 Nëntor 2022, 13:11
Presidenti ukrainas Volodymyr Zelenskyy vuri të martën kushte për bisedime me Rusinë, duke i bërë thirrje Moskës që të respektojë Kartën e OKB-së dhe të paguajë kompensim për humbjet e shkaktuara nga lufta në vazhdim.
Duke iu drejtuar Konferencës së 27-të të OKB-së për Ndryshimet Klimatike përmes një lidhjeje virtuale, Zelenskyy përsëriti gjithashtu thirrjet e tij për rivendosjen e integritetit territorial të Ukrainës, ndëshkimin e çdo krimineli lufte dhe garanci se kjo nuk do të ndodhë më.
Në fillim të këtij muaji, presidenti ukrainas tha se vendi i tij është i përgatitur të hyjë në negociata me Rusinë vetëm nëse trupat e saj largohen nga të gjitha pjesët e Ukrainës, përfshirë Krimenë dhe zonat lindore të Donbasit, të kontrolluara de facto nga Rusia që nga viti 2014, gjatë një interviste për një televizion çek.
Muajin e kaluar, Zelenskyy nënshkroi një dekret që shpalli të pavlefshme aneksimin e pjesëve të Ukrainës nga Rusia dhe gjithashtu nënshkroi një dekret tjetër më 30 shtator që deklaronte "pamundësinë e negociatave" me presidentin rus Vladimir Putin.
Administrata amerikane ka inkurajuar "privatisht" liderët ukrainas që të sinjalizojnë një mundësi për të negociuar me Rusinë, raporton The Washington Post.
