Kardinali francez Jean-Pierre Ricard pranon se ka abuzuar me një vajzë 14-vjeçare 35 vjet më parë
Nga OraNews Përditësimi i fundit 7 Nëntor 2022, 22:02
Një nga përfaqsuesit më të lartë të Kishës Katolike të Francës ka pranuar se ka abuzuar me një vajzë 14-vjeçare 35 vjet më parë dhe ka njoftuar tërheqjen e tij nga detyrat e tij fetare.
Kardinali Jean-Pierre Ricard lëshoi një deklaratë me shkrim të hënën pasi një raport i lëshuar vitin e kaluar zbuloi një "fenomen masiv" të abuzuesve seksualë të fëmijëve që vepronin për dekada brenda Kishës Katolike Franceze .
“Tridhjetë e pesë vjet më parë, kur isha prift, u solla në mënyrë të qortueshme me një vajzë të re 14-vjeçare,” tha Ricard. “Sjellja ime ka shkaktuar në mënyrë të pashmangshme pasoja të rënda dhe të qëndrueshme për këtë person.”
Ricard, 78 vjeç, ishte kryepeshkopi i Bordosë, Franca jugperëndimore, derisa u tërhoq nga ai pozicion në vitin 2019 për të shërbyer në dioqezën e tij të lindjes në Dignes-les-Bains, në jug të vendit. Në vitet 1980, ai ishte prift në kryedioqezën e Marsejës.
Ricard tha se kishte folur me viktimën dhe i kishte kërkuar falje, pa specifikuar se kur. Ai tha se po kërkonte gjithashtu falje "për të gjithë ata që lëndova" përmes deklaratës së tij. Ai nuk dha detaje për këtë.
Studimi i gjerë i lëshuar vitin e kaluar nga një komision i pavarur vlerësoi se 330,000 fëmijë u abuzuan seksualisht gjatë 70 viteve nga priftërinjtë ose figura të tjera të lidhura me kishën në Francë.
