Përshkallëzohet armiqësia mes Koresë së Veriut dhe të Jugut, lëshojnë një numër raketash
Nga OraNews Përditësimi i fundit 2 Nëntor 2022, 17:22
Koreja e Veriut dhe ajo e Jugut kanë lëshuar një numër raketash në ujërat pranë brigjeve të njëra-tjetrës në një përshkallëzim të dukshëm të armiqësive.
Veriu lëshoi të paktën 23 raketa në një ditë të vetme duke përfshirë një që u ul më pak se 60 km (37 milje) nga qyteti i Sokços në jug.
Seuli u përgjigj me avionë luftarakë duke gjuajtur tre raketa ajër-tokë mbi vijën e diskutueshme të demarkacionit detar.
Më vonë, Pheniani lëshoi gjashtë raketa të tjera dhe një breshëri prej 100 predhash artilerie.
Veriu thotë se nisjet janë në përgjigje të stërvitjeve ushtarake në shkallë të gjerë që po mbahen nga Koreja e Jugut dhe Shtetet e Bashkuara, të cilat i quan "agresive dhe provokuese".
Pheniani ka kryer gjashtë teste bërthamore midis 2006 dhe 2017 dhe thuhet se po planifikon një të shtatë. ajo ka vazhduar të avancojë aftësitë e saj ushtarake - duke shkelur rezolutat e këshillit të sigurimit të kombeve të bashkuara - për të kërcënuar fqinjët e saj dhe potencialisht edhe për të sjellë territorin e shba-së brenda rrezes së goditjes.
