Kuqezinjtë gati për Arabinë Saudite, kombëtarja mbyll përgatitjet në Abu Dabi
Nga Ora News Përditësimi i fundit 26 Tetor 2022, 12:17
Kombëtarja shqiptare ka mbyllur të martën në mbremje përgatitjet në Abu Dabit, dhe është gati për miqësoren me Arabinë Saudite, që pritet të luhet pasditen e së mërkurës
Kombëtarja shqiptare ka mbyllur të martën në mbremje përgatitjet në Abu Dabit, për miqësoren me Arabinë Saudite.
Me grupin kuqezi, u bashkuan edhe pesë lojtarët, të cilët kanë qenë të impenjuar me klubet e tyre këtë të diel dhe nuk ishin në Tropikal, ku u stërvit pjesa tjetër.
Ardit Toli, Mario Mitaj, Bekim Balaj, Elhan Kastrati dhe Gentian Selmani, u vun në dispozicion të stafit teknik.
Pasi zhvilluan një seancë teorike e analizë video, kuqezinjtë zbritën në fushën e stadiumit “Al Nahyan” për të zhvilluar seancën e fundit stërvitore para miqësores.
Trajneri Edoardo Reja ka pasur mundësi të provojë formacionin e ndeshjes si edhe vendosje te ndryshme taktike në fushë.
Grupi është i plotë dhe nuk ka pasur probleme fizike për lojtarët e grumbulluar.
Interesante është se për këtë miqësore shumica e lojtarëve vijnë nga klubet e kampionatit shqiptar dhe ky test do t’u shërbejë të tregojnë vlerat.
Ka ende dilema sesi Reja, dol të luajë, por shanset janë të mëdha që të zbres me rreshtimin 3-5-2.
Sa i përket formacionit, tekniku Italian ka vendosur:
Në portë: Kastrati
Në Mbrojtje: Bitri, Janku, Turkaj
Në Mesfushë: Gurishta, Deliu, Toli, Kallaku,Mitaj;
Ndërsa reparti ofensiv përbëhet nga dyshja Cikalleshi – Xhixha.
Miqësorja Arabi Saudite–Shqipëri do të luhet të mërkurën, në “Al Nahyan Stadium” të Abu Dabit dhe do të nisë në 16:30 sipas orës shqiptare.
