Propozimi: Do të marrim në konsideratë çdo shtet amerikan që do të bashkohet me Rusinë
Nga OraNews Përditësimi i fundit 11 Tetor 2022, 17:17
Rusia do të marrë në konsideratë çdo shtet amerikan që dëshiron të shkëputet dhe të bashkohet me Federatën Ruse, tha deputeti i Dumës shtetërore.
Alexander Tolmachev së fundmi ka reaguar ndaj një sondazhi në internet të qytetarëve amerikanë që duan të largohen për shkak të, siç e quan ai, "politikës së jashtme të dështuar amerikane".
Sipas sondazhit, 80 për qind e banorëve të New Hampshire donin të largoheshin nga shteti, ka pohuar një media ruse e lajmeve.
“Iniciativa të tilla janë sinjal se qytetarët e Shteteve të Bashkuara janë të pakënaqur me udhëheqjen e tyre dhe janë të gatshëm të ndërmarrin masa ekstreme, deri në shkëputje, nëse vazhdon politika aktuale e Amerikës”, tha Tolmaçev.
“Është e rëndësishme që votimi të bëhet jo në rrjetet sociale, por zyrtarisht dhe në mënyrë legjitime, si në republikat e Krimesë, Sevastopol, Donetsk dhe Luhansk, provincat Zaporizhzhia dhe Kherson.”
Cynthia Nicoletti, profesoreshë e drejtësisë në Shkollën Juridike të Universitetit të Virxhinias, u shpreh se shkëputja është antikushtetuese.
"Shtetet nuk mund të shkëputen në mënyrë të njëanshme nga SHBA. Kjo gjë u parashikua si nga rezultati i Luftës sonë Civile ashtu edhe nga Gjykata e Lartë në çështjen e vitit 1869 Texas kundër White. Neni I, seksioni 10 i Kushtetutës gjithashtu ndalon shtetet nga hyrja në aleanca, traktate ose konfederata.” – shtoi ajo.
