EURO 2024, Eno Skarço: Short më të lehtë se ky nuk gjeje dot, sikur ta kishim zgjedhur vetë me dorë
Nga OraNews Përditësimi i fundit 10 Tetor 2022, 19:10
Në Frankfurt të Gjermanisë u hodh shorti i fazës eleminatore të Euro 2024. Shqipëria evitoi tre grupet e para të cilësuara si të zjarrta.
Kuqezinjtë do të përballen me Poloninë dhe Çekinë për të diskutuar dy biletat që të dërgojnë në grupet e këtij kompeticioni që do të zhvillohet në Gjermani. Ndërkohë i ftuar në “Ora Sport” që transmetohet në “Ora Neës”, ishte gazetari, Eno Skarço.
Skarço gjatë fjalës së tij theksoi faktin se grup më i lehtë nuk mund të gjendej.
Eno Skarço: Nuk është se ka short të lehtë, por short më të lehtë se ky, nuk gjeje dot. Edhe sikur ta kishim zgjedhur vetë me dorë, me preferenca, vështirë se gjeje kombinim më të mirë. Por kjo nuk do të thotë se kemi ekipe të lehta. Polonia dhe Cekia dihet se janë rivalë të fortë. Nuk kemi asnjë kundërshtar që mund të themi: “Këtyre nuk kemi se çfarë t’i bëjmë”. Mund të përballemi dhe t’i mundim të gjitha. Polonia na tremb më shumë për shkakun e precedentëve të fundit në përballjet direkte.
