"Studim për bankat dhe krizat financiare", tre amerikanë fitojnë Nobelin në ekonomi
Nga Ora News Përditësimi i fundit 10 Tetor 2022, 13:05
Nobeli në Ekonomi për vitin 2022 ka vajtur për tre ekonomistë amerikanë që kanë në qendër të studimit të tyre krizat financiare dhe sistemin bankar. "Zbulimet e tyre përmirësojnë mënyrën se si shoqëria ballafaqohet me krizat financiare," tha akademia suedeze.
Akademia suedeze e Nobelit ka ndarë këtë fillimjavë çmimin për ekonominë.
Tre studiues amerikanë kanë fituar këtë vit duke dhënë kontributin e tyre në studimin e krizave financiare dhe sistemit bankar.
Ekonomistët Ben S Bernanke, Douglas W Diamond dhe Philip H Dybvig kanë përmirësuar ndjeshëm të kuptuarit e rolit të bankave në ekonomi, veçanërisht gjatë krizave financiare, tha akademia e Nobelit.
Studiuesit ndanë çmimin bashkë mbi kërkimet e tyre në lidhje me përdorimin e "eksperimenteve natyrore" mbi ndikimin e pagës minimale, emigracionit dhe arsimit në tregun e punës.
"Zbulimet e tyre përmirësuan mënyrën se si shoqëria ballafaqohet me krizat financiare," tha akademia.
"Një zbulim i rëndësishëm në hulumtimin e tyre është se pse shmangia e kolapsit të bankave është jetike."
Ky ishte çmimi i fundit Nobel që u dha këtë vit. Javën e kaluar u shpallën fituesit e çmimit Nobel për Paqen, Letërsinë, Mjekësinë, Kiminë dhe Fizikën.
