Hysa: Përdorimi i telefonit nuk lejohet në mënyrë kategorike gjatë drejtimit të mjetit, ja çfarë parashikon kodi rrugor
Nga OraNews Përditësimi i fundit 6 Tetor 2022, 20:33
Sovjeta Hysa, agjente verifikuese në Policinë rrugore në një intervistë në Ora News me gazetaren Sonila Musai bëri të ditur disa nga shkeljet që drejtuesit e mjeteve bëjnë në rrugë.
Ajo u shpreh se përdorimi i telefonit është një ndër shkeljet e shumta.
“Kodi rrugor duhet rrespektur nga të gjithë sepse është parandalues i pasojave fatale.Kemi shumë përdorues telefonash që nuk e konceptojnë dot pjesën e përdorimit të telefonit nuk janë dakord me masën e marrë dhe kur i komunikon shkeljen thonë që unë nuk isha duke folur në telefon, ndërkohë që përdorimi i telefonit është edhe shkrimi i mesazheve kontrolli i një rubrike që është pasojë determinante për një aksident rrugor, për një ngjarje rrugore. Përdoruesit e rrugës nuk e konceptojnë dot këtë pjesë mendojnë që vetëm përdorimi i telefonit është vetëm komunikimi, por është një gamë e gjërë nuk lejohet fare përdorimi i telefonit gjatë drejtimit të mjetit, as mbajtja në dorë as shkruajtja e mesazheve as komunikimi gjatë drejtimit.”
