Kishte mbushur kamionin me dru, 52 vjeçari pikaset nga policia në Maliq
Nga Ora News Përditësimi i fundit 26 Shtator 2022, 14:32
Një rast i transportit të jashtligjshëm të druve është raportuar në fshatin Shqitas, Maliq.
52 vjeçari po transportonte me mjetin e tij kamion 12 m sterë dru kur u pikas nga policia.
Në vijim të veprimeve procedurale u referuan materialet në Prokurori dhe filloi procedimi penal në gjendje të lirë për shtetasin L. M., 52 vjeç, banues në fshatin Shqitas, Maliq.
"Shërbimet e Policisë e kanë konstatuar këtë shtetas, në afërsi të fshatit Novoselë, duke transportuar me automjetin kamion tip "Benz", 12 m sterë dru zjarri, pa dokumentacionin përkatës. Lënda drusore u sekuestrua në cilësinë e provës materiale, së bashku me automjetin," njoftoi policia.
Materialet i kaluan Prokurorisë pranë Gjykatës së Rrethit Gjyqësor Korçë, për veprën penale "Prerja e paligjshme e pyjeve".
