Mozaik në nder të Mbretëreshës Elisabeth, artisti shqiptar: Mu deshën 100-120 kg drithë
Nga OraNews Përditësimi i fundit 15 Shtator 2022, 09:54
Artisti shqiptar Alkent Pozheku ka realizuar një tjetër mozaik, kësaj rradhe të mbretëreshës Elisabeth.
Mozaiku është bërë me fasule, grurë, fara luledielli, oriz, misër e drithëra të tjera me ngjyra.
Artisti me origjinë nga Kosova zbuloi për Ditë e Re në RTV Ora se për veprën muzeale iu deshën 100-120 kg drithë, ndërsa punoi për rreth 6 orë.
"Kam përdorur fasule, grurë, fara luledielli, oriz e drithëra me ngjyra ndërsa mu deshën rreth 100-120 kg drithë," tha ai.
Ai u shpreh se vepra u bë në një ambjent të hapur, pranë Gjakovës, në një vend që kishte dhe frekuentim të njerëzve për ta parë atë nga afër.
Edhe mediat e huaja i bënë jehonë madje veprës së artistit shqiptar duke zënë vend në disa prej titujve të gazetave prestigjoze britanike.
Pozheku deklaroi se indicien për mozaikun e Mbretëreshës Elisabeth e mori nga një media e huaj e cila e kontaktoi.
